!! الصياعه وناسه ؟؟ !!

السلام عليكم و الرحمه
هالمره يبت لكم موضوع وصلني من زماااااااااااان و حبيت اعرضه عليكم و اشوف آرائكم

[ الصياعه وناسه ؟؟ ]

كلن يعيش حياته حسب منظوره وحسب تقاليده .. او الي اتعلم عليه من الصغر ..
بس شيء ناس يشووفن انه الصياعه وناسه ؟؟ ليش؟؟
الوناسه تستوي حتى لو بدون صايعه مب شرط انه الوحده اتواعد او انها اترمس الف واحد
او انها تلبس الي تباه قصير وكراعينها طالعه او اتطلع شعرها وتتمكيج واتسير اي مكان تباه
وتشتري الي تباه بدون ما اتفكر في البيزات واتسوي الي تباه بدون ما حد يسألها انتي وين ولا وين رايحه
او انها تستوي مثل الممثلات الانجليزيات تشرب خمر اتدوخ اتسير الدسكوهات ترجع انصاف الليالي
البعض يشوف انه هذي صدق وناسة البنت .. بس مب شرط انه هالاشياء اتكون وناسه
ليش ما يستوي الوحده تستانس وهيه يالسه ويا اربيعاتها وأهلها ؟؟
مثلا اذا وحده فقيره شرط انها اتكون مب مستاسنه او على قد حالها ؟؟
الوحده تستانس بس اذا كانت مقتنعه في الي هيه فيه يعني ما تطلب اكثر من الي الله عطاها
نحن الي انشوف هذا وايد وهذا اشويه بس عند الله مافي شيء اسمه اشويه ولا وايد
.. لانه هوه الي يعطينا ..
وهوه الغني عن كل شيء
الوناسه لا هيه بالنسب ولا الحسب ولا المال ولا الجمال
ياما ناس عندهم بيزات بس مب مستانسين بحياتهم ما سألتوا عماركم ليش؟؟
انا بقولكم ليش..
لانه مب امحصل حد يحبه او حد يهتم فيه او حد يسأل عنه ..
يقوله انته وين او شو امسوي .. الغيره مطلوبه لانه اتفرح الواحد
بس من انه اتحس انه شيء واحد يغار عليك ويحبك بس هذا الي يخليك مستانس وفرحان صدق من كل قلبك ..
ومافي شيء يسوى هذا الحب لا بيزات الدنيا ولا شيء
.. وبعدين مب شرط انه كل شيء في الدنياه نباه يستوي ..
الوناسه الحقيقه يوم اتحصل الي اتحبه بس ..

عيل الناس الي على قد حالهم مالهم رب ما يستانسون ؟؟ اكيد يستانسون ..
واكيد البنت اكثر بتكون مستانسه اذا هيه محتشمه .. لان هالشيء يخلي اهلها يفخرون فيها
ويشدون الظهر فيها ..

بس هذي الي اتصيع كل يوم امصفعه يوم طراق من اخوها ويوم من ابوها
واتخاف وهيه طالعه عن حد يشوفها
يعني شفتوا وين الراحه وين الوناسه ؟؟

على الكل انه يعرف الوناسه مب للمال ولا النسب ولا الجمال
الوناسه انكم تقتنعون بالحال ..
وشكرا
Dr.znklony@hotmail.com

تسلمين فريخه عالطرح الروعه...

وايد حبيــــت موضوعج..وهالشي نلمسه فحياتنا اليوميه...

والمظاهر مب كل شي >>> مب كل شي تشوفه العين تصدقه...

صح والله كلام سليم ,,

تسلمييييييييييييييييين على طرح آلحلوووووووو
وآكيييييييد آلكلآآآآآآآآآآآآآآآآآم صح
وتقبلي مرووووووووووووووووووي

زائر

klaaaaaaaamch 10000% 9a7ee7

y36eech el3afya santa

t8bly mror o5och

مشكورين على ردودكم الحلوه ^^
و انشاءالله بحاول ااني اييب لكم اي شي كل شي يديد تكتبه الي كاتبه هالموضوع

تسلمين فريخة على الموضوع

هالايام لو البنت ما تطلع الايرباجززز و الدعاميات ما ترتاححح
لو ما ترفع الشعر و تنافس ناطحات السحاب ما تكون على الموضة
لو ما تهيت طووووووووول اليوم ايجيسها مغص

بس شو انقووول كل شي على طبيعتة حلوو و الشي الي ايزيد عن حدةة ترى مب حلوو

اسمحولي وايد اتفلسفت

v.t.c42000 كتب:: تسلمين فريخة على الموضوع

هالايام لو البنت ما تطلع الايرباجززز و الدعاميات ما ترتاححح
لو ما ترفع الشعر و تنافس ناطحات السحاب ما تكون على الموضة
لو ما تهيت طووووووووول اليوم ايجيسها مغص

بس شو انقووول كل شي على طبيعتة حلوو و الشي الي ايزيد عن حدةة ترى مب حلوو

اسمحولي وايد اتفلسفت

لووووووووول صدقك فتك .. على قولتك ناطحات السحاب الموضه << صدق هالشي زاد عند البنات لدرجه انه الشباب قامو يحطون على البناات و يتمصخرون عليهم :p

hehehhehehe klam jmeal ,,bs mno elly yfham ,, qablt wayed nas 3endhum el9ya3ah wnasah bs braye anah elwnasah he el'97k or elswalf da5l elbeat or bra3

اولا سلام عليكم ورحمة الله بركاته

صح الواحد يروح على استايل الأجانب البويات ابرايه يروحون على استايل الأجانب
بس البنوتات لوراحو على استايل الأجانب يسمونه صياعه لانه لبسهم كله فوق ركب حلو الواحد يكون رزين
وهياته لين نصايف الليل البنوتات يستانسون يقولون ايم فري لاولي يسأل عنا ولا شي وكل الي تتوقعونه راح يسونه دام
حياتهم فري اتوقعو كل شي طبعا البنوتات مش كلهم في من الي يكون رزين ومن الي عايش حيااته
وصياعه مش وناسه يمكن بدايه وناسه وعقب دمار وضيقه الي يتقرب من ربه مستحيل يتصيع

فديتني واايد تفلسفت عليكم

اشكر مرورج جولييت ..

بس كول بوي انا مب وياك فالي قلته .. اذا بتتكلم ف جانب الاسلام لا تدخل اشيا و تنسه اشيا .. و تطلع البويات ملائكه و ما يسوون الغلط و البنوتات كلهم غلط.
ترى الاثنين ف غلط ..

مب حلال عالبويات يروحون عند استايل الاجانب و البنوتات لا << ترى التحريم ف تقليد الغرب على الكل من رياييل و حريم .. و بوويات على قولتج << تراهم من جنس الحريم..

و اذا عن لبس البنوتات القصير ترى بيت البنات عادي فالدين لين تحت الركبه و فوق السر .. يعني حتى الصدر عاادي << و انا ماييب هالكلام من عندي اسألو اي واحد فاهم فالدين
بس نحن انحس انه يوم الوحده تطلع صدرها فيله لانه الواحد صدق يستحي و حلو انه الواحد يكون فيه حياا..

و مب البنت اذا لبست قصير خلاص استوت فري .. كل وحده و تفكيرها ..

هالموضوع يباله كلاااااااااااااااااااام ن نقا كبير عشان نحلل راي كل وحده ..
و الاحسن انه كل وحده توف نفسها لانه ما اعتقد انه في وحده جاهله .. تسوي شي حرام و ما تعرف انه حرام ..
بس طبيعة الانسان .. انه هو يوم يسوي الحرام يشوفه عادي و انه الي بيسوون مثله عادي .. بس الي يسوون شي حرام هو ما يسويه يشوفه اكبر حرام..

على قولت المثل البقره ما تشوف ذيلها تشوف ذيل ربيعتها..

و اتمنه انه الكل ياخذ العبره .. لانه مافي واحد كامل و ما عنده ذنوب

والله هالسالفه يبالها موضوع كامل شكلي بحطها ف قسم النقاش