البوح بالسر؟؟

موضوع: البوح بالسر؟؟ الإثنين مايو 12, 2008 6:36 pm

البوح بالسر ؟؟ "

--------------------------------------------------------------------------------

هل تفضلون البوح بالسر ؟؟ "

ولمن نبوح بالسر؟؟

موضوع للمناقشة أتمنى الكل يشارك "

من منا لا يحمل بين حناياه بأسرار يحتفظ بها ، و تأبى نفسه إلا البوح بما يختلج فيه لغيره ،

و هنا يستوجب وجود صديق حميم نفضي إليه بسرنا ، و نبوح له بدوامة همومنا و بعدها لا يعترينا

سوى إحساس بالراحة النفسية ، و منا من يفضل الاحتفاظ بالسر لنفسه ، و يصبر على ثقله ، و يرفض

البوح به لأي أحد ..

فهل تفضليون البوح بالسر ؟؟ أم تفضلون الإحتفاظ به لنفسك ؟؟

من وجهة نظر اغلب الناس وليس كلهم ان كتمان السر أفضل من البوح به ، لأن كلمة سر تعني أن شخصا

قال شيئا لأخر لا يريد البوح به ، و لا يريد لأحد ان يعرفه ، و ان أسوأ ما يتصف به الإنسان

هو البوح بأسراره لغير ذوي الثقة ، و يكون الإنسان في أفضل حالاته عندما يكون كاتما لأسراره

، فلا توجد ضمانات كافية لكتم الأسرار من قبل الآخرين ..

و في قول الشاعر :

إذا ضاق صدر المرء عن سر نفسه ** فصدر الذي يستودع السر أضيق

و قديما قالوا : " من عرف سرك ، عرف طريقا ليخنقك "

فهل تفضليون البوح بالسر ؟؟ أم تفضلون الإحتفاظ به لنفسك ؟؟

أنا في انتظار ردودكم و وجهات نظركم

أفضل الاحتفاظ به لنفسي

بس مرات أبوح لأقرب الناس لي

ثانكس كول بوي ع الموضوع

زائر

انا افضل اني اكتم
بس مرات ماقدر احس اني بطق بنفجر

عشان كذا لازم نبوح لاحد بس يكون ثقة

وللاسف اني بحت هالمره لشخص توقعته
يستاهل طلع غير

وعكس اللي توقعته

بس ماراح اقول اسراري غير ل قلبي صعب جعلني ماخلا ولاعدم من طلته ووجوده في حياتي

خويكم بوفيصل

زائر

امممممم

اذا حد قالي سر مستحيل اخبر حد عنه ،، مدام خبرني و هو يجوفني اني قد ثقة سره ،، طبيعي ما بخون هالثقه اللي منحولي اياها ،، و طبعا شي يسعدني ان الغير يجوفوني كاتمه اسرارهم

بس لو نتكلم عن اسرار الشخص نفسه ،، او بمعنى ثاني اسراري انا ،، سر عن سر يفرق عندي ،، في اشيا ماقدر اقولها لأي شخص كان ،، و اقدر اتحمل ثجلها ،، بس في اسرار بس اقولها للكلوز مني ،، و طبعا ادور حد شراتي ،، يثق فيني و اثق فيه ،،

بس بعد الكتمان حلو =)

و بس

يعطيك العافيه كول بوي

كول بوي ..

انا عن نفسي شخص ماحس
عندي اسرار لاني بس اقعد ويا حبيبتي طفلتي
قلبي منظرتي روحي حياتي فديتها احس قلبي
دون مادري تكلم شرات الميانين اصيرررر لو خبيت شي بقلبي عنها
لان صراحه هي انسانه تستاهل الثقه وكل اسراري وكل
حياتي سلمتها بيدها وانا طبعي ماحب احط في قلبي
لان ماحب اتعب قلبي خخخ
لا جد يعني من طبعي احب الي اثق فيهم اتكلم وياهم
وانا من الناس الي ابوح لأسراااري
ولكل حياتي للناس الي
تنجح في اختباراتي وتستاهل
ويابوفيصل مب كل من شفته ظلال لك يومين
قلت انه يحبك وعطيته ماعندك اختبر تعيش ..
سلم وبين الي فقلبك ونيتك تضيع وانا اخووك

تسلم اخوي كول بوي موضوعك حلو

الســـــر ماينقــال لاي حد....

واحياان تفضل تقوله لقريب... وتنخدع فيه ويخونك...

واحياان تقوله لغريب.... بحجة انهم مايعرفونك...

بس انا احس انه الانسان مايقدر يحط كل شي بقلبه... بتييه سكته قلبيه كثر الهمووم..

احس اهم شي... تقوول السر لانسان ترتاحله .. وتعرف انه يستااهل انك تعطيه سرك..
ثلااث ينقالهم السر
قلبك و ابوك وامك....لانهم مستحييل يخونوونك...

ولوو ماقدرت....

قووله لانسان ترتاحله وتحس انه بيساعدك حتى لو ما كاان قرييب او صديق او حبيب

والسمووحه

ثانكس حباايبي عالمرور القلب مايتحمل اكثر من طاقته لازم انفضفض الي في داخلنا لومهما كان
ويختلف شخص عن ثااني من الي ترتاحله وتحب تشكيله ومن الي اتخاف تشكله حلو الواحد يكون كتوم شرات البحر يداوي الجروح ولايشتكي
نورتو الموضوع بمروركم

انا احب احتفظ فيه لنفسي

ومرات ابووح سري لاقرب شخص لي بس مب دوومز

ثااااانكس كوول ع الطررح الحلوو
واتريا يديدك دووومز ^^

ثانكس مهروه عالمرور