من قصائد الوالد زايد - رحمه الله

طيـــــــر


ياطير وضبتك بتدريب ........ ابغي اصاوع بك هدادي
لي طارن الربد المهاريب ......... لي ذايرات من العوادي

القف لهن عساك ماتخيب ........ واقصد لقايدهن عنادي
خمة براسه خمت الذيب ........... وعليك ماظنيه بادي


خل الهبوب تروح وتييب.......... ريش شعيع عقب المصادي
واللي سبق طيره بلا طيب.......... يتم في حزمه ينادي


عند اخويانا والاصاحيب ........ كلن بخبره بايسادي
لي ماضوى ودو له الجيب ........ بزهاب والطبخة عنادي

.....................................................................................

اشعار صاحب السمو الشيخ زايد بن سلطان آل نهيان رحمه الله



هلا بنور الفجر زاح الظلامي
هلا بـه ألف ترحيبـه وحيـه
هلا به عد مـزن في غمامي
وما هبـت نسيـم المطلعيـه
أقـدم له تحيـات وسلامـي
جـواب يوم بـادر بالتحيـه
فهيم ويفهم الـ معنى كلامي
لبيب العـود لفتاتـه ذكيـه
مهاه إيتـم إنسي وانسجامي
بدونه حالتـي حالـه شقيـه
وحبي لـه تسبب في غرامي
أنا راضي ونفسي له هديـه
تملكنـي وملكنـي بالزمامي
و انا سلمت له بنفس رضيه
فـلا والله لـي مثلي يلامي
و فعل الخيـر مايجزى بسيه
رعـاك الله يا ظبـي العدامي
أميـر والغوانـي لـك رعيه
جديـر بكل حبي واحتـرامي
و يكفيني متى ترضى عليـه

.................................................. ...........................


دنيـا محـلا وطـرها
فيهـا زهـت الانـوار
كثـر الخيـر وشجرها
و تـوفـرت الاثمـار
يا هـا السعد وغمرها
مــن والـي الاقـدار
عـم البـر وبحـرها
و فاضت بهـا الانهـار
تتوافــد القطــرها
عالـم مــن الـزوار
تتفسـح في شجـرها
وورودهــا والازهـار
فيهـا المهـا مكثرها
وريومهـا والامهــار
يا سعـد اللي نظـرها
وتحـف بها الاسـرار
نحمـد لـذي صورها
وو هـب لهـا الاخيار
و عظمهـا فـي قدرها
بيــاه واعتبــــار

.................................................. ......................

آه يا مـن صـوب وحاني
صوب مـا تتيبـر ا**وره
روف بي ياريـم لوطانـي
لك مسلــم ماليـه دوره
لي شخوصلك مالهـا ثاني
وقـدك المبـروم وخصوره
ونحـر فيـه النهـد باني
فايق في وصفـه ونـوره
ولاعيـان دعـج الاوزاني
حور ولها رموش مظفوره
والسهـم منهـا للعيـاني
بي يـراها يـوافي خطوره
الشـم والقـرم لـه شاني
عند لـي مثلـه ومن دوره
لي عملهـم في البلد باني
باحتـرام وجــد مشهوره
لي مساعيهـم بالاحساني
في العشايـر مالهـا جوره
بيـن إنسـان وانسـاني
كم زاحـوم الكـدر ثـوره
الظفـو يبقـى والاحساني
خالـد لاهلـه وبسطـوره

.................................................. ...........................



مرحبا يا حي فضل الله
حي من تزهي به اوطاني
الغضي لي له قدر والله
إحتـرام و يـاه وشانـي
لي ينير الحوش والفله
والحشـا منهـوب يفلاني
لي بقلبـي باني حلـه
ما يخلفـه واحـد ثانـي
يا شبيه الموز في حله
تايـه والعــود رويانـي
والهدب لمسويـن ظله
فوق طرف العين له زاني
والنهـد ثوبيه قد شله
مثـل شوبينـن برمانـي
والمعنق زاهي ابدلـه
والخـدود بـروق فمزاني


.................................................. .............................
آه يا مـن ون مـن حده
يا سعادة عمري الثاني
إرحموني يازجــي يده
من مودة جسمي الفاني
الوجــن كالورد محتده
ولخدود ابــروق زفاني
والمعنق مـا حــلا قده
والثنايا حــب رماني
والهدب والعيــم مسوده
والمدامع نورها جاني
الحسن والزين ما سده
في محله أو يترك الثاني
كل جسمه م الحسن بده
م الحلاه ابغير ميزاني
.................................................. .............

يالسيد اثـره العيد عيدين
وثالـث اعيـاد الدر لمطار
والغيث عـود بعـد سنتين
واتباشروا به الناس والدار
مالت له اغصان البساتيـن
والزهـر يانـع والحياثار
وانشـم بنـات الرياحيـن
الوطير غني فوق الاشجار
حتى الغضي لي كامل الزين
راتع ويلعـب بين الازهار
خذ "م " الهايا جيد وعين
وم الليل ماخذ شعر واقمار
فايق على كـل المزاييـن
له في سويدا خاطري دار
حبه في قلبي عايش سنين
ما يختلف لو صار ما صار

.................................................. ............

يا خفيف الروح كيف انتوا
يا شفا قلبي من اعواقه
ارحمـوني لـو تكرمتـوا
بالوصل وانا من اشفاقه
مـر وقـت لي ولا بنتوا
انتظر مـن طول افراقه
ارحموا ذا الروح لا هنتوا
لي لكـم بالشوق تواقه
ما زهالي وقـت لو منتوا
انت سعد القلب واشراقه
انتـوا اللي بي تملكتـوا
بالرضا والطيب واخلاقه
ارحموا مـن به تحكمتوا
مـن جفاه النوم ماذاقه
في سويدا القلب شيدتوا
منزل ماحـد قـد فاقـه
بخفي اما بي اذا عدتوا
لا يشيع السـد واشواقه
السواب اللي بيه صبتوا
عالجـوها النفس معتاقه
غاية امنايه اذا جدتـوا
بعدكـم لي نـار حراقه

.................................................. ............................

يا خفيف الروح كيف انتوا
يا شفا قلبي من اعواقه
ارحمـوني لـو تكرمتـوا
بالوصل وانا من اشفاقه
مـر وقـت لي ولا بنتوا
انتظر مـن طول افراقه
ارحموا ذا الروح لا هنتوا
لي لكـم بالشوق تواقه
ما زهالي وقـت لو منتوا
انت سعد القلب واشراقه
انتـوا اللي بي تملكتـوا
بالرضا والطيب واخلاقه
ارحموا مـن به تحكمتوا
مـن جفاه النوم ماذاقه
في سويدا القلب شيدتوا
منزل ماحـد قـد فاقـه
بخفي اما بي اذا عدتوا
لا يشيع السـد واشواقه
السواب اللي بيه صبتوا
عالجـوها النفس معتاقه
غاية امنايه اذا جدتـوا
بعدكـم لي نـار حراقه

.................................................. .........



بنور الفجر



هَلا ابْنوُرْ اْلفَجِرْ زَاحْ الظَّلاَمِي"="هَلا بِهْ ألفْ تَرْحِيبه أَوْحِيِّه
هَلاَ بِهْ عَدّ مِزْنٍ في غِمَامِي"="وما هَبَّتْ نِسِيمْ اْلمِطْلِعِيّهْ
أَقَدِّمْ لِهْ تحيّاتْ أوْ سَلامي"="جِوابٍ يوم بَادَرْ بِالتّحِيِهْ
فِهيمْ أوْيِفْهَمْ إلْ مَعْنَى كَلامي"="لِبيِبْ الْعُودْ لَفْتاتِهْ ذِكِيّهْ
مَعَاه إيتمّ إنْسِي وانْسِجَامي"="إبْدُونِهْ حَاِلتي حَالِهْ شِجِيّه
وحبّي لِهْ تِسبَّبْ في غَرَامِي"="أَنَا رَاضِي أوْنَفْسِي لِهْ هِدِيِّه
تِمَلَّكْنِي وْامَلَكْنِي بالزِّمَامِي"="واَنَا سَلَّمْتْ لِهْ بْنَفْسٍ رِضِيّهْ
فلا والله لَيْ مِثْلِي ايْلامِي"="وفِعْل اْلخير ما يجزى ابْسَيِّهْ
رَعَاكْ الله يا ظَبْي اْلعَدَامي"="أَميرٍ واْلغِواني لِكْ رِعِيّهْ
جِدِيرْ ابْكِلْ حِبّي وِاحْتِرامي"="أوْ يَكْفِينِي مِتَى تِرْضَى عَلَيِّهْ
.................................................. .........


بَيْنُونَهْ

يعل نوٍ بانت امْزونه"="يسجي الظَّفْرَه أوْ يَرْوِيها
لَيْن يِزْخَر عِشِبْ بَيْنُونِه"="والْغِزر تَسْقِي سِوَاقِيها
والرَّمِلْ يَعْشِب أوْ يِرْعُونِه"="واْلبدو تَزْهِي مبانيها
ويستجي مِ الغيث في السُّونه"="شَرْقْ والوِدْيان يَيْريها
والجِبَل تِدَّفّق اِرْكونه"="وْيَمْلِي اْلجِيْعَانْ يارِيها
واْلغِضِي تِتْنَقَّلْ اظْعونه"="لَيْ اهْمُومْ اْلقلب يَشْفِيها
وِانْ عَرَضْ يَمْشي عَلى هُوْنِهْ"="بِيْس بالدِّنيا وْمَا فِيْهَا
هودَعَاهَا النّفس مَمْحونِه"="والطّبيب اللَّي ايْشافيها
مِحْتَرْم والنّاس يِحْضُونِه"="لَيْ وُصوفَه نافِلٍ فيها
نَطقِتهْ وِانْ يَاتْ مَوْزُوْنِه"="مِنْ صَخاوِةْ نَفْسْ يَفْضِيها
وِاْلملاحَه فِيهْ مَكْنونَه"="مِنْ لِبُوبْ اْلوَشِيْ يَكْسِيها

.....................................................................


تغرودة سمو الشيخ زايد رئيس الدولة
إلى الشيخ محمد بن راشد

عِزّكُم بيْعِزّنا كِلِّنا





مرحبَا ابْلَيْ رَحَّبْ أوْثَنـاّ""لاحْتَرامٍ لِهْ نحـن جيْنـا
وَاجِبْ أنْقَـدِّر أوْ نتْعَنّـا""لِلنِّسَبْ لَيْ مِنّا أوْ فِينـا
عِزّكـم بَيْعِزِّنَـا كِلْـنـا""وقـوّةٍ لَجْيَـاْل أهَالينـا
وْشَعْبِكُمْ هَلْنَا أوْ عِشيرتنا""ولـي إيوفِّيكـم إيوفّينـا
وسَبْقِكُمْ يا شيخ يَمْحِنّـا""واْلمِشَارَكْ لَيْ إيِسَلّينـا
مَرّةٍ مَـرَّهْ تكـون إلْنَـا""ومـرّةٍ مِنْكُـمْ تِجَافينـا
نَهْضِةٍ مِنْكم أوْ هِي مِنّـا""نِحْيِي الحاضِر إلْماضينـا
سَجَّل التّاريـخ واْلفَنَّـا""مَهْرجان إلْهِينْ يشفينـا
عيدكم مَحْسُوبْ عِيدْ إلْنَا""والشّعُوب اللّي اتْوالِيْنَـا
يعل يُودْ السِّحِبْ لِمْدِنّـا""يروي الدّوله أومفالينـا
وَفّقَ الله حِسِنْ سِيْرَتْنَـا""وْيعِلْ رَبّ العَرش يَحْمينَا
.........................................................

صوتِك الموُسِيقْ بالهاتِفُ لِفانِي



صوتِك الموسِيقْ بالهاتِف لِفانـي"" أوْ صْوَيْت الرّاعبي في الْموُسِمِيّة
ياِ ثليِِل العين لَيْ صُوتِك سِبَانـي"" ياعِويدالموزفـي بَكـسٍ غِنِيِـهّ
يا خِفِيف الروُح يا سِيْد الغِوانـي""بيـن كِـلّ الخُودفايِزبالمِـزِيِـهّ
السِّجايا اُوْخَاِطرٍ لِـك مِرْحَبانـي""والحَلاه في الطّبع والنَّفْس الزّكِيِهّ
طَيِفكْ الشَّفَّافْ في نُومي ظِوانـي""ما يفارجني صِبـاحْ اوْلاَ مِسِيِـهّ
كامِلْ الأوصَاف في فِكري اوْذِهاني""أنتِظِر شُوفِك كما عِيـد الِضّحِيّـه
وِانْ سَأَلت اليُوم يا مانع إشياني""أنَّي المِشتاق الْ حِلْـو الِسّجِيّـهِ
بي اِفراق الخِلّ لي حِبّـهِ كِوانـي""قَبِل لا اشُوفَهْ في حِلّـهِ أو زِيّـهِ
لي سِكَنْ في اليُوف وامشَيِّدِ مَباني"" أوْ حَاطِها بأَسْوار في قَلبي عِليِّه
ذاك يللَّي بي اوسَجَّلْتِه أوْ عَانـي""للِحبيـب إِمسَلِّـمٍ وادّيِ التّحِيِّـه
............................................................

اشرقي كالشمس وأنتي ربة الوجه الجميل
دام حسنك يامشاعل يختصر معنى الجمال
نورينا خطوه خطوه ياللي مامثلك مثيل
علمي كل الخطاوي كيف يتمشى الغزال
=
=
=

أقبلي ياللي طباعك كالنسيم اللي عليل
اقبلي وانتي سحابه قلبها ماي(ن) زلال
أقبلي مثل البشاير بعد كلمة مستحيل
ياعروس في مساها صارت أحلى من الخيال
=
=
=


ياحلو هالليله واأنتي للقمر صرتي بديل
وأن جلستي في مكانه لاتنادينه تعال
كل شي اليوم كامل والفرح هذا دليل
يوم صار الزين كله في حمى زين الرجال
=
=
=


الف ابارك لك ياعادل انت يالشهم الاصيل
فرحتك وأنت تكمل نص دينك بالحلال
ربي يسعدك بمشاعل ربة الوجه الجميل
العروس اللي حلاها يختصر كل الجمال
............................................

تسلم صقووووررررررررررررررري عالموضوع الجميل

ولاتحرمنا من يديدك ماي برووو

يور سيس عقربه هع

تسلموووووووووووون على ألمرووووووووووور

تسلم اخوي صقوووووررر على هالقصايد الحلوه وربي يرحمه ويغمد روحه الجنه

مشكور اخوي صقرر
على طرحك الي ولا احلى